Кері байланыс
- 100% +
Қәріп өлшемі

Жасыл экономиканың жаңа технологиялары

Дереккөз: expo2017astana.com

image006

1. Технологиялар

Көрменің «Болашақтың энергиясы» деп белгіленген тақырыбымен сәйкестікте, құрылыстарды салуда және іс-шараларды өткізуде ең соңғы технологиялар қолданылатын болады. Атап айтқанда, ақылды технологиялар, жаңартылмалы энергетика, құрылыста ең соңғы шыққан материалдарды қолдану, сондай-ақ Көрме нысандарын пайдалануға орнықты әрі тиімді тәсіл.

2. Көрме нысандарын энергиялық тиімді және ақылды пайдалану

Ғимараттардың энергия тұтынуын оңтайландыру үшін, Ұйымдастырушылар, жайлылығын ұсынуда зиян көрместен, энергияны пайдаланудың максимал қысқартылуын қамтамасыз етуге арналған бірқатар инновацияларды пайдаланатын ғимараттарды энергетикалық есептеу саласында жаңа технологияларды пайдаланатын болады. Мысалы, адамдар санын есептеуде әртүрлі сенсорларды қолдану және жарықтандыруды бөлу, бұл энергия пайдалануды қысқартуға мүмкіндік береді.

Электр желілеріне түсетін жоғары жүктемелерді төмендету және деңгейлестіру үшін, сондай-ақ Көрменің және қаланың инфрақұрылымына жаңартылмалы энергия көздерін кіріктіру үшін Смарт Грид (Smart Grid) технологиясы қолданылатын болады. Аталған технология автоматты режимде жүктемелерді бөлу бойынша шешімдерді қабылдау үшін, шынайы уақыт режимінде барлық ірі нысандардың энергия тұтынуын қадағалауға мүмкіндік береді.

Көрме кешенінің аумағы бойынша автомобильдердің қойылатын орны мен адам трафигін оңтайландыруға арналған жаңа технологиялар пайдаланылатын болады. Бұл жүйелер Көрменің келіп қараушылары мен Ресми қатысушыларының қауіпсіздігін қамтамасыз ететін жүйелермен тікелей байланысты, бұл төтенше жағдайлардың жедел алдын алуға және шешуге мүмкіндік береді.

Қауіпсіздік және энергия тұтынуды оңтайландыру жүйелерінен басқа, толықтырылған шынайылық, ең жаңа байланыстар жүйелері және интерактивті құлақтандыру жүйелері әзірленетін болады. Мобильді қосымшалардың көмегімен, аталған технологиялар келушілердің уақытты тиімді өткізуін және олардың Көрменің Ресми қатысушыларымен және ұйымдастырушыларымен қолайлы өзара әрекеттестікте болуын қамтамасыз етеді.

3. Телекоммуникациялық сервистер

Көрменің мобильді сервистеріне кірудің қолайлы болуы үшін, Көрме кешенінің бүкіл аумағында WiFi ашық желісі жұмыс істейтін болады.

Ресми қатысушылардың ыңғайлы жұмыс істеуі үшін, бөлінген байланыс арналары (бұдан әрі – «VPN») ұсынылатын болады. Деректерді беру арналарының қауіпсіздігі үшін, VPN туннельдерін ұйымдастыру нүкте-нүкте әдісімен ұйымдастырылмақ. Сәйкестендіру және кіру үшін, мамандандырылған бақылау және кіруді басқару серверлері қолданылатын болады.

Көрме аумағында телекоммуникациялық сервистерді ұсыну үшін, байланыс операторы конкурстық негізде таңдалып алынады. Бұған қоса, Көрме кешенінің аумағы мобильді байланыстың ұлттық операторларымен қамтылатын болады.

4. Деректерді өңдеу орталығы

Көрме кешенінің аумағында ең соңғы технологияларды қолданумен құрылған Деректерді өңдеу орталығы (бұдан әрі – «ДӨО») құрылатын болады. ДӨО қуаты Ұйымдастырушының сервистік жұмыстары үшін ғана емес, сол сияқты Ресми қатысушылардың сервистерін өрістетуіне мүмкіндік беру үшін де есептелген.

Деректерді хакерлердің шабуылынан, қауіпсіздік периметрі ішіне дендеп енуден және вирустық қауіптен қорғау ең соңғы бағдарламалық және аппараттық құралдардың көмегімен қамтамасыз етілетін болады.

5. Жаңартылмалы энергия көздері

Күн энергиясы. Күн энергиясы Жердегі негізгі тіршілік көзі болып табылады. Көрме аумағында күн энергиясы электр энергиясы мен жылуды түрлендіру үшін – белсенді түрде, сол сияқты күндізгі жарықтың барынша енуін, сондай-ақ жылыту және кондициялау жүйелеріне түсетін жүктемелердің төмендетілуін қамтамасыз ету үшін, жобалау және салу кезеңінде Күннің табиғи әрекетін ескере отырып – пассивті де пайдаланылатын болады.

Сондай-ақ көрсетпелік мақсаттарда қазақстандық өндірістің фотоэлектрлік панельдері де қолданылатын болады. Аталған технологияны Өнер орталығының оңтүстік қасбетіне кіріктіру жоспарлануда. Жалпы архитектуралық тұжырымдармен сәйкестікте, нысанда Көрменің ойластырылған футуристік дизайнын бұзбастан, электр энергиясын өндіруге мүмкіндік беретін технологиялар қолданылатын болады.

Жел энергиясы. Көрме нысандарын жел энергиясынан электрмен жабдықтау шусыз жел генераторларымен ұсынылатын болады, оларды орнату қала шегінде іске асатын амал және желдің бағыты мен құбылуларына тәуелді емес.

Сфераның жоғарғы бөлігінде 2 жел генераторы қарастырылатын болады, олар желідегі электр энергиясының төмендетіле тұтынылуын қамтамасыз етеді. Қосымша жел қондырғыларын ЭКСПО-Парк аумағында орналастыру жоспарлануда.

Жер энергиясы. Көрме нысандарына арналған жылыту жүктемелерін алмастыру үшін, геотермалды энергияны пайдалану жоспарлануда. Астанада Көрме аумағында ыстық жерасты суларының қорлары жоқ болғандықтан, жылуды жер қойнауынан жылу сорғыларының көмегімен алу қолданылатын болады, бұл бүгінгі күні тиімді энегияүнемдеуші, экологиялық таза жылыту және кондициялау жүйесі болып табылады. Жасыл ғимараттарды сертификаттау талаптарына сәйкес келуі үшін, қазіргі заманғы әлемдік стандарттарға жауап беретін және планетаның озон қабатына залалын тигізбейтін хладагенттер пайдаланылатын болады.

6. Ақылды көлік қою жүйесі

Көрме кешеніндегі барлық көлік қою орындары ең жаңа технологияларды пайдаланумен автоматтандырылатын болады. Көрме аумағына кіретін көлік құралдарын сәйкестендірудің сан алуан әдістері қолданылатын болады, бұл кіру уақытын қысқартуға және төлеу шарасын оңайлатуға мүмкіндік береді. Сондай-ақ WEB-қосымшаның көмегімен көлік қоятын орынды броньдау мүмкіндігі берілетін болады.

Көкшетауда «жасыл экономика» бойынша аймақтық инновациялық бизнес жобалар таныстырылды

Дереккөз:strategy2050.kz

9cfd54f4c455d0fc3d3d613c1186da28

Форумның негізгі тапсырмасы Қазақстанның «жасыл экономикаға» өту Концепцияның  мәнін талқылау. Елбасы Н. Назарбаев 2013 жылдың 30 мамырында шыққан № 577 Жарлығында қолданған», – деп хабарламада нақтыланған.

Пленарлы отырыстың жұмысына  «жасыл экономика» бойынша жетекші мамандар қатысады. Форум қатысушыларының назарына сараптамалық және жалпы экономиканың даму жетістіктері бойынша және «жасыл экономикаға»  өтуі бойынша бірқатар түсіндірме жұмыстар жүргізіледі.

Хабарламада нақтыланғандай, аталмыш форум «жасыл экономиканы» ақпараттандырудың бірден-бір жолы.

Сонымен қатар, форум аясында «жасыл экономиканың» бизнес дамуының төңірегінде бірқатар келіссөздер жүргізіледі.

Форум қатысушыларына аймақтық инновациялық бизнес жобалар таныстырылады. Қазақстанның «жасыл экономикаға» өтуі және ЭКСПО-17-ге дайындық шаралары да талқыланатын болады.

Tesla model 3 электрикалық көлігі.

Дереккөз: el.kz

7f0bd75e989b7e3ad758e31e444f5441

Он жылдан астам болған дақпырттан кейін Tesla Motors компаниясы дәл қазір Model 3 электрикалық көлігін Хауторн зауытында көпшілікке таныстырды. Model 3 туралы жаңалықтар енді ғана жарық көруде. Сондықтан әзірге белгілі болған бар ақпаратпен сіздермен бөлісе отыруға шештік.

Су жаңа Model 3 седаны оған дейін болған Model Х кроссоверына қарағанда әлдеқайда қолжетімдірек болады. Оның бастапқы бағасы $35,000 айналасында межеленеді. Бұл ғаламшардың экологиясына бейжай қарамайтын адамдар үшін жақсы жаңалық. Егер қаласаңыз Tesla Motors-тыңресми сайтында Model 3-ке алдын ала тапсырыс бере аласыз. Қазіргі уақыттың өзінде төрт сағат ішінде 133 000-нан астам алдын ала тапсырыс келіп түскен екен (тапсырыс беру Астана уақыты бойынша 7:15 басталды).

Компанияның бас директоры Элон Маск электрикалық көліктер әлемге таралады деген үлкен үмітте. Оның айтуы бойынша сіз 35,000 АҚШ долларына Model 3-тен артық көлік таба алмайсыз.

Жаңа темір тұлпар 100 км/сағ жылдамдығын 5 секунд ішінде өрбіте алады. Бүкіл Model 3 көліктері жоғары жылдамдықты операциялық жүйемен қамтамассыз етіледі.

Автопилот жүйесі Tesla-ның өзге көліктеріндегідей қалыпты режимде жұмыс істейді. Сол себепті қауіпсіздік туралы алаңдамауыңызға болады.

Көлік алдыңғы шынысынан бастап жүксалғышқа дейін түгел әйнекпен қапталған. Сонымен қатар, бұл көліктің екі жүксалғыш бөлімі бар: алдында және артында. Элон Масктың айтуы бойынша сіз көлігіңізге тіпті 2 метрден асатын серфинг тақтайын да сыйғыза аласыз.

Tesla Motors компаниясының бұған дейін көлік нарығына шыққан Model S және Model Х моделдері өте қымбат. Бұл көліктерді алу үшін қалтаңыздан кем дегенде $100,000 шығару керек болады. Ал су жаңа Model 3 көлігін компанияның болашағы деп нық сеніммен айтуға болады.

Алайда компания өз көлігін 18 айдан кейін, яғни 2017 жылдың соңында шығаруды жоспарлап отыр. Компанияның басты мақсаттарының бірі диллерлік және сервистік қызметті екі есе ұлғайту. Сол арқылы Tesla көліктерін екі есе көбірек сатып, барлық көліктеріне «күтім» жасай алады.

Бас директор бүгін 3-моделді таныстыру барысында Model S және Model Х көлігінің иелеріне көліктердің жетілдіруіне қаржылай өз үлестерін қосқаны үшін үлкен алғысын білдірді.

Қазіргі таңда Элон Маск өз компаниясын сәттілік атты жолмен жүргізіп бара жатыр деп айтуға толық мүмкіндік бар.

«АСТАНА ЭКСПО – 2017» бүкіләлемдік корменің Қазақстан электроэнергетикасының дамуына және елімізде жасыл» экономиканы құруға тигізетін әсері

Дереккөз:infourok.ru

12183714455_2d7a7924bb_z_news_featured

Қазақстан Республикасының  Президенті Н.Ә.Назарбаевтың «Қазақстан жолы 2050: Бір мақсат, Бір мүдде, Бір болашақ» атты Жолдауында көрсетілгендей Астана ЭКСПО – 2017» Бүкіләлемдік көрменің Қазақстан электроэнергетикасының дамуына және елімізге «жасыл» экономиканы құруға тигізетін әсері қарастырылған.

Елбасы Н.Ә.Назарбаев 2014 жылғы (17 қаңтар) Жолдауында Қазақстан Республикасының тарихына енетін 10 креативтік идеяны анықтады. Соның ішінде: «Энергетикада – ЭКСПО – 2017-ге дайындық барысында Астана болашақтың энергиясы мен жасыл экономиканы іздеу мен құру жөніндегі озық әлемдік тәжірбиені зерттейтін және енгізетін орталыққа айналды. Жаңа мұнай өңдеу зауыты салынып, ядролық энергетика, оның ішінде атом станциясының құрылысы дамиды» – деп айқын да нақты көрсетті [1].

Энергетика базалық салалардың бірі бола отырып, кез келген мемлекеттің экономикалық және әлеуметтік саласында маңызды рөл атқарады.

Адамзат алдында тұрған бүгінгі таңдағы ең басты міндет ауаға таралатын көмірқышқыл газын (СО2) азайту болып отыр. Дүние жүзіндегі ауаға таралатын көмірқышқыл газының 30 пайызын көмірмен жұмыс істейтін электр стансалары шығарады. Ал электр энергиясына деген сұранысы күннен-күнге артып келе жатқан Қытайда электр қуатының 62 пайызы көмірмен жағы­ла­тын электр стансаларынан алынады. Егер Қытай шұғыл түрде ауаны ластайтын СО2 көлемін шектемейтін болса, 2030 жылға таман дүние жүзі бойынша шығарылатын көмірқышқыл газының 40 пайызы осы елдің үлесіне тиеді екен.

Сондықтан да қазіргі таңда әлем сарапшылары дүркін-дүркін дабыл қағып, электр қуаты шикізаттарына тиімді балама табу мәселесін күн тәртібіне кеңінен қойып отыр. Барған сайын адамзат үшін ерекше үлкен қауіпке айналып бара жатқан жаһандық жылыну үдерісін тежеу электр энергиясын өндірудің негізгі көзі – көмірсутегі шикізатына балама табу болып табылады. Мамандардың пікірінше, қазір көмірсутегі шикізатына балама ретінде қолданылып отырған биоотын, жел және күн қызуынан алынатын әлемдегі энергия қуатының үлесі әлі де аз.

Осы тұрғыдан қарағанда Қазақстан Республикасының 2030 жылға дейінгі электроэнергетика саласының даму бағдарламасы Қазақстан Республика үкіметінің қаулысымен бекітілген, №384, 09.04.1999ж.

Қазірдің өзінде Қазақстан бұл көкейкесті мәселе бойынша бірқатар ғылыми жаңалықтар мен озық ойларды алға тартуда. Әрине, «Болашақтың энергиясы» тақырыбының ауқы­мы өте кең. Бұл – негізінен болашақта адамзат игілігіне айналатын балама қуат көздерін ашу үшін жаңа технологияларды өмірге әкелу. Бұл – жаңа балама қуат көздерін игеруге халық­аралық қоғамдастықтың назарын аудару.

Жақында Халықаралық энергетикалық агенттік (ХЭА) өзінің жыл сайынғы дәстүрлі баяндамасын жариялады. Әлемдік энергетиканың 2012 жылғы ахуалына жан-жақты талдау жасаған бұл құжатта электр қуатын өндіруде көмірден балама энергия көздеріне (БЭК) көшу, ауаға таралатын көмірқышқыл газын (СО2) азайту мәселелері күн тәртібіне ерекше қойылған. Сарапшылардың айтуынша, қазіргі кезде дүние жүзінде балама қуат көздерін барынша молынан пайдалануға деген шынайы бетбұрыс басталды. Соның арқасында әлемдік деңгейде балама энергия көздерін пайдалану деңгейі бірте-бірте артып келеді.

Алайда мұндай энергияның басым бөлігі мемлекеттік субсидиялар есебінен ғана өндіріліп келеді. Жеке меншік компаниялар балама қуат көздерін дамытуға мүдделі емес. Өйткені олар көп шығын жұмсауды қажет ететін технологияларды өндіріске енгізіп, артық қаржы шығарғысы келмейді. Бірқатар елдерде мұндай қуат көздерін өндіріске енгізу жағдайы тәжірибелік деңгейден аса алмай келеді. Қазақстанда да оны игеру жағдайы тәжірибелік үлгі ретінде көрсету дәрежесінде тұр. Елімізде балама қуат көздерін игеру экономикалық тиімділік беретін өндірістік кең ауқымға шығарылмай отыр. Ал ғалымдардың бірауызды пікірінше, оның Қазақстандағы әлеуеті орасан зор.

Иә, электр қуаты көздерінің балама түрлеріне деген әлемдік сұраныс жылдан-жылға артып келеді. Ғалымдардың болжамы бойынша, үстіміздегі ғасырдың ортасына таман жа­һандық энергетикалық баланстағы балама қуат көздерінің үлесі 35 пайызға жететін көрінеді. Еуроодақ өзінің мұндағы үлесін 2020 жылдары 20 пайызға, 2040 жылдары 40 пайызға жеткізуді көздеп отыр. Қазір іс жүзінде барлық дамыған елдерде жаңа технологияны қалыптастыру және дамыту бағдарламалары кеңінен іс жүзіне асырылуда.

Халықаралық энергетикалық агент­тіктің әлемдік энергетиканы дамыту жөніндегі биылғы баяндамасында 2035 жылға дейін оны дамытудың 5 бағыты ұсынылған. Бұл ретте әлемдік қауымдастық «жасыл энергия» бағытына ерекше маңыз беріп отыр. Ауаға таралатын көмірқышқыл газын барынша азайтып, жасыл энергия технологиясы бойынша электр қуатын өндіру көп шығынды қажет ететіндігі белгілі. Бұл ретте субсидия бөлуге түбегейлі бетбұрыс жасап, балама энергетика көздерін дамытуға барынша мән беру қажет. Бүгінде атмосфераны ластауға барынша мол үлес қосып отырған Қытай және Үндістан сияқты мемлекеттерге жылдан-жылға өсіп отырған энергетикалық сұраныстарын қамтамасыз етуде көмірден гөрі балама энергия көздеріне басымдық беруі керек. Ха­лықаралық энергетика агенттігінің дерегі бойынша 2035 жылға таман адам басына шаққанда ауаға СО2 газын шығаруда Ресей және Канада алдыңғы қатарға шығатын көрінеді. Мұндай болжам жасауға бұл елдерде балама энергетика көздерін өндіріске кеңінен қолдануға әлі де жете мән берілмей отырғандығы себеп болып отыр [2].

Қазақстанда қондырылған қуаты 1040 МВт 31 жаңғыртылған энергия көздері (ЖЭК) пайдалануға берілуі жоспарлануда. Оның ішінде: 13 жел электр станциялары, қуаты 793 МВт, 14 шағын су электр станциялары, қуаты 170 МВт және 4 күн сәулесінің энергиясын пайдаланып электр энергияны өндіретін станциялар, қуаты 17 МВт.

Нәтижесінде Қазақстан 2015 жылға жаңғыратын энергия көздерін пайдаланып электр энергияны өндіру 1%-ға, ал 2020 жылда 3% жетеді деп жоспарлануда.

Әрине жоғарыда көрсетілген деректер мағыналы болғанымен, Елбасы өзінің «Қазақстан жолы – 2050: Бір мақсат, Бір мүдде, Бір болашақ» атты Жолдауында «Астана ЭКСПО – 2017» Бүкіләлемдік жетістіктер көрмесі Қазақстанның электр энергетикасының дамуындағы маңызды мәселенің бірі» деп атап айтты [3].

«Астана ЭКСПО – 2017» – Еліміздің ұлттық жобасы деп Қазақстан Республикасының электроэнергетикасының болашағы ретінде қарастырылуды.

Сондықтан, Бүкіләлемдік «Астана ЭКСПО – 2017» көрмесі туралы және осы көрменің Қазақстан электроэнергетикасының дамуына, болашағына әсері жөнінде қысқаша мәліметтер берілуде.

Бүкіләлемдік жетістіктер көрмесіне Қазақстан бірінші рет 2005 жылғы 25 наурыз бен 25 қыркүйек аралығында Жапонияның АИЧИ префектурасында болған көрмеге қатысты. Бұл көрменің ұраны –«Табиғат кемеңгерлігі». Көрменің негізгі мақсаты техногендік заманның ең жаңа технологияларының қоршаған ортаны қорғауға тигізетін ықпалын көрсету.

Бүкіләлемдік көрмеге қойылған Қазақстан жәдігерлері, көрмені тамашалауға келген туристтерге Қазақстанды жан-жақты таныстыруға жағдай жасады. Кейін Қазақстан Испания Корольдігіндегі «ЭКСПО – 2008, Сарагосада», Қытай Халық Республикасындағы «ЭКСПО – 2010, Шанхайда», Оңтүстік Кореядағы «ЭКСПО -2012, Есуда» көрмелеріне қатысты. Испания Корольдігінің Саргоса қаласында «Су және тұрақты даму» ұранымен өткен «ЭКСПО – 2008» Дүниежүзілік көрмесіне әлемнің 104 мемлекеті павильондарының арасында Қазақстан павильоны «С» дәрежесі бойынша Қола жүйені иеленді. Қазақстанда Дүниежүзілік көрме өткізу идеясын алғаш рет Елбасы Нұрсұлтан Әбішұлы Назарбаев осы көрменің ашылу салтанатында жариялады да, 2011 жылдың 10 маусымында ЭКСПО – 2017-ні Астана қаласында өткізу жөніндегі ресми өтініш Париж қаласындағы Халықаралық көрмелер бюросына тапсырылды.

2012 жылы Халықаралық көрмелер бюросының штаб пәтері орналасқан Париж қаласында халықаралық ұйымға мүше 160 мемлекеттің 100-ден асамы дауыс беріп Қазақстан елордасы – Астана қаласы 2017 жылғы Бүкіләлемдік көрмесін өткізетін басты құрметін жеңіп алды.

Бүкіләлемдік ЭКСПО – 2017 көрмесін өткізу құқығына орталық Азия мен ТМД мемлекеттерінің арасынан бірінші болып Астана қол жеткізді.

2012 жылдың 7 желтоқсанында Қазақстан Рспубликасының Президенті Нұрсұлтан Әбішұлы Назарбаевтың ЭКСПО – 2017 Халықаралық көрмесін Астанада өткізу туралы шешім қабылдануына байланысты Қазақстан халқына Үндеуі жарияланды. Онда Елбасы бұлай деді (қысқаша шолу): «Біз елеулі үміткер, осындай халықаралық форум өткізуде тәжірбиесі бар Бельгияның Льеж қаласын жеңіп шықтық [3].

Бұл – Қазақстанның зор табысы. Халықаралық көрмелер өткен 160 жылдан астам уақытта олар негізінен экономикалық алыптар саналатын АҚШ, Франция, Канада, Ұлыбритания, Испания, Қытай және басқада елдерде өтті. Енді олардың қатарына Қазақстанда қосылып отыр. Бұл Қазақстанның әлеуметтік-экономикалық даму ісіндегі табыстарын халықаралық қоғамдастықтың мойындауы. Біз үшін халықаралық көрмелер бюросына мүше 160 мемлекеттің басым көпшілігі дауыс берді. Іс жүзінде Астананы бүкіл әлем таңдады.

Бұл – біздің еліміз үшін жаңа энергетиканың және «жасыл» технологиялар алуда аса зор мүмкіндік. Бұл Қазақстандағы тағы бір «халықтық құрылыс» болмақ. Мен «ЭКСПО – 2017-нің біздің тарихымыздың тағы бір алтын парағы болатына сенемін» деп Президент Н.Ә.Назарбаев Қазақстанның бүкіләлемдік жарқын, ерекше, табысты көрме өткізетіне зор сенімділігін білдірді.

2013 жылдың қазан айының 22 жұлдызында ЭКСПО – 2017 Бүкіләлемдік көрме кешенінің үздік эскиз-идеясы Халықаралық архитектуралық конкурсының қорытындысы жарияланды.Америкалық жоба жеңімпаз аталды. ЭКСПО – 2017 Бүкіләлемдік көрменің басты символы болып шар (сфера) қабылданды. Осы қабылданған жоба туралы қысқаша мәлімет: Қазақстан павильоны киіз үйге ұқсайды. Ол шар (сфера) айрықша нысан. Ол үш қабатты ғимарат, диаметрі 150 м. Автордың көзқарасы бойынша, осы эскиз-жоба қазақтың ұлттық дәстүрлерін «үшінші өнеркісіптік ревалюция» және «Болашақтың энергиясымен» байланыстырады. Эскиз-жобадан одан әрі өз орындарын тапқан нысандар «Энергия әлемі», «Тіршілік үшін энергия», «Қолжетімді энергия», «Менің болашақ энергиям» тақырыптық павильондары [6,7].

«Астана –ЭКСПО-2017» бүкіләлемдік көрмесіне жүзден астам қатысушы елдер өз павильондарын ұсынады. Ерекше нысан-өнер орталығы. Бұл ЭКСПО-2017 көрмесіне мәдени ойын-сауық бағдарламасы үшін арнайы жасалынатын алаң. Одан кейін корпаративтік павильондар қарастырылған-бұл көрме демеушілері мен серіктестерінің павильондары. Тәжірибелер аймағы-бұл жерде баламалы энергияны қолданудың үздік мысалдары ұсынылады. Конгресс орталығы-яғни конгрестер, конференциялар және форумдар өткізіледі. 10 мың орынға арналған көлік тұрағы жобаланған.

Астанада 2017 жылы ЭКСПО бүкіләлемдік көрмесін өткізу елорданың,жалпы бүкіл еліміздің экономикалық және инфрақұрылымдық дамуына жаңа серпін береді. Яғни, 2017 жылдың 10 маусымы мен 10 қыркүйегі аралығында көрмеге әлемнің 100 елі мен 10 халықаралық ұйымның 5 миллионға тарта туристтер келмек. Бұл Қазақстанның халықаралық сахнадағы беделін бұрынғыдан да арттырып, Астананың аймағын тағы да әлемге жария етеді. Астана энергетика саласында үздік идеялар мен тәжірибелерді жинайтын, ғылым мен техниканың, жаңа технологияның ең озық нәтижелерін ұсынатын орталыққа айналады.

Бірінші индустриялық революция XVΙΙΙ ғасырдың аяғында Англияда қарапайым тоқыма өндірісін механикаландырудан басталғаны белгілі. Бұрын қолмен істелген қара жұмыс бір жүйеге бағындырылды. Осылайша завод, фабрикалар пайда болды. Бірінші өнеркәсіптік революциясының жетістіктеріне жол ашқан негізгі қозғалтқыш күш – көмір мен бу болды деп есептейді Джереми Рифкин. Джереми Рифкин-америкалық экономист, саясат танушы [6,7].

Екінші индустриялық революция XX ғасырдың бас кезіне сәйкес келді. Екінші индустриялық революция кезінде электр энергияны өндіру кеңінен тарады. Эдиссонның электрлік жарықтандыру шамы іске қосылды. Телефон, радио, теледидар құралдары пайда болды. Мұнай мен газ өндіру барынша дамыды. Оның өнімдерін пайдаланатын автокөліктер, басқа тұрмыстық техникалар дүниеге кеңінен тарады. Осы үдірістің ақырында адамзат қауымы мұнай мен газдың, басқа да минералды шикізат көздерінің жетіспеушілігіне ұрынды. Жер шарының экологиялық жағдайы нашарлады. Джереми Рифкин адамзатты осы дағдарыстан шығарудың жолы ретінде үшінші индустриялық революцияның жеткенін мәлімдейді.Оның бастапқы да негізгі белгісі ретінде сандық байланыс құралдарының өмірге келіп,ерекше екпінмен дами түскенін айтады. «Интернет» әлемді өзгертті. Бірақ адамзат тұтынып келе жатқан қуат көздері бұрыңғы қалпында қалып отыр. Адамзат ұрынып отырған қазіргі экономикалық дағдарыстар міне осы жағдайдан бастау алып отыр дейді Джереми Рифкин [6,7].

Еуропа елдері қазірдің өзінде күн мен жел энергиясын сенімді түрде молынан игеруде.Болашақта таусылмайтын қуат көзі ретінде сутегін игеруді жолға қоюда.

Демек, баламалы және қайта жаңғыртылатын қуат көздерін игеруге, «Жасыл» экономикаға көшу мәселесін Елбасымыз алдағы 40 жылдың аса өзекті мәселесі ретінде бекерден-бекер атап көрсеткен жоқ. Әрине, Қазақстан мұнай мен газға, басқа да шикізат көздеріне бай ел ретінде таяудағы болашақта дәстүрлі қуат көздерін дамытуға ерекше көңіл бөлетін болады. Президентіміз Н.Ә.Назарбаевтың 2014 жылғы (17қаңтар) жолдауында бұл жайында анық жазылған. Осы жылдарда, Астана энергетика саласында үздік идеялар мен тәжірибелерді жинайтын, ғылым мен техниканың ең озық нәтижелерін ұсынатын орталыққа айналады деп көрсетілген.

Бүкіләлемдік «Астана ЭКСПО -2017» көрмесін жоғары деңгейде ұйымдастыру бүкіл әлемге экономика, техника, жаңа технология, инновация салаларындағы үздік үлгілерді көрсету, түсіндіру, жеткізу және дұрыс пайдалану Қазақстан елінің соның ішінде энергетиктердің негізгі мақсаты болып табылады.

Жел энергиясы жөніндегі әлемдік кеңестің мәліметі бойынша, 2020 жылы жел электр стансалары өндіретін электр энергиясының көлемі жаһандық тұтыну деңгейінің 12 пайызын қамтамасыз етуі мүмкін. Бұл орайда жаңадан 1,4 миллион жұмыс орны ашылып, ауаға таралатын көмірқышқыл газының көлемі жылына 1,5 миллиард тоннаға дейін азаяды. Яғни қазіргі көлемінен 5 есе қысқаратын болады. Ал 2030 жылға таман жаһандық энергетикалық өндірісте жел энергетикасының үлесі 20 пайызға жетпек. Жел энергиясы жөніндегі әлем­дік кеңес жел энергетикасының бола­ша­ғын 2020, 2030 және 2050 жылдар кезеңінде көрсеткіштер бойынша 3 кезеңге бөліп қарастырады.

Бірінші кезеңде жел энергетикасын дамытуда жоғарыда айтылған ХЭА-ның баяндамасына байланысты «жаңа саясат» сценарийі жүзеге асырылатын болады. Бұл сценарий бойынша 2020 жылы жел энергетикасының үлесі 1,4 мың тереватт-сағат (1 тереватт-сағат 1 миллиард киловатт-сағатқа тең) элек­тр энергиясы өндіріледі. Ал 2011 жылы әлемдегі барлық өндірілген жел энер­гиясының қуаты 480 тереватт-сағатқа тең болды. Бұл өз кезегінде жа­һандық электр энергиясын тұтынудың 6-6,4 пайызын құрайды. Еуропалық одақтың энергобалансындағы жел энер­гети­ка­сы­ның үлесі қазір дәл осы кө­лемде. 2030 жылға таман оның көлемін 2,4 мың тереватт-сағатқа немесе жаһан­дық тұтыну мөлшерінің 9 пайызына дейін жеткізу көзделініп отыр.

Қазір жекелеген елдерде жел энер­гетикасының қуаты елдегі бүкіл электр энергиясына деген сұраныстың бестен бір бөлігін қамтамасыз етеді. Мәселен, Испания және Дания мемлекеттерінде жел генераторлары барлық тұтынатын электр қуатының 20 пайызын, ал Германияда 10 пайызын қанағаттандырады. 2020 жылы ФРГ-да бұл көрсеткіш 20-25 пайызға дейін жеткізілмек.

Бүкіләлемдік жел энергетикасы ас­социациясының (БЖЭА) мәліметі бойынша, өткен жылы бүкіл дүние жүзінде жалпы қуаты 40 гигаватт жел қондырғылары орнатылған. Сөйтіп, 2011 жылы әлемдегі барлық жел электр стансаларының жалпы қуаты 237 гигаватты құрады. Бұл 280 ядролық реактор қуатының көлеміне тең. Айта кетер болсақ, қазір әлемде барлығы 380 ядролық реактор жұмыс істеп тұр. БЖЭА-ның болжамдары бойынша, 2020 жылға таман жел генераторларының жалпы қуаты 4 есе өсіп, 1 мың гигаватт электр қуатын өндіретін болады. Соңғы кезде жел энергетикасын дамыту жөнінде Қытай тұрақты түрде көшбасшы болып келеді. 2011 жылы әлемде орнатылған жаңа жел генераторларының жартысына жуығы Аспан асты елінің үлесіне тиді. Дегенмен, жан басына шақ­қанда жел генераторы арқылы электр қуатын өн­діруде Дания, Испания, Германия сияқты Еуропалық одақтың мемлекеттері алда келеді. Жел генераторлары арқылы өндірілген электр қуаты Қытай Халық Республикасында бар­лық электр қуатының 3 пайызын ғана құрайды.

ҚОРЫТЫНДЫ

  Қазақстан Республикасының Президенті Н.Ә.Назарбаев атап айтқандай Астана электроэнергетика саласында үздік идеялар мен тәжірбиелерді жинайтын, ғылым мен техниканың, жаңа технологияның ең озық нәтижелерін ұсынатын және сол шешілетін мәселелерді тиімді пайдаланатын орталыққа айналуы тиіс. Қазақстанда атом энергиясы, күн сәулесінің энергиясы және жел энергиясы жан-жақты және қарқынды түрде пайдаланылатын болады.

Соның нәтижесінде электроэнергияны қолданатын ғылыми мекемелер, өндіріс салалары дамиды да, Еліміздің экономикасы жоғары деңгейде болатын болады.

Тек сонда ғана Қазақстан Республикасы әлемдегі дамыған 30 мемлекеттің қатарына кіру жоспары орындалады деп есептеймін.

Елордада “жасыл” технологиялар оқыту орталығы ашылды

Дереккөз: el.kz

2d9e279b2b6516dff719306ae49d9b74

Елордада «Астана Эко Стандарт» жылыжай кешенінің базасында «жасыл» технологиялар оқыту орталығы ашылды, онда С. Сейфуллин атындағы Қазақ агротехникалық университетінің студенттерімен бірге фермерлер мен кәсіпкерлер де көкөніс өсіру бойынша озық білім алатын болады. Ал келесі жылдың қыркүйегінде бұл жерге ең озық еуропалық жабдықтармен жабдықталған жылыжай кешені орнатылады.

«Астана әкімдігі оның құрылысына арнап жер телімін бөлді. Оның жалпы ауданы 8 200 ш.м. Біз салат пен қиярдың ең жақсы және сұранысқа ие сұрыптарын өсіруді жоспарлап отырмыз»,- деп мәлім етті «Астана Эко Стандарт» ЖШС директоры Жеңіс Досмағанбетов таныстырылым барысында.

Құны 7,1 млн евроны құрайтын жобаға оқыту орталығы мен жаңа жылыжай кіреді, ол Еуропа Одағының қаржылық қолдауымен іске асырылуда және азық-түлік қауіпсіздігін, соның ішінде су қауіпсіздігін күшейтуге бағытталған. Жобаның атқарушы әріптестері  БҰҰДБ және БҰҰ  ЕЭК.

БҰҰДБ Тұрақты өкілінің орынбасары Мунхтуя Алтангерел ханым бұл жоба бизнес секторда «жасыл» экономиканың қағидаттарын енгізудің көрнекі мысалы болатынына үміт білдірді. С. Сейфуллин атындағы ҚазАТУ проректорының м.а. Нұрлан Серікпаев еліміздің солтүстік және орталық аймақтарында жылыжай шаруашылықтарын дамыту бойынша бірлескен оқу орталығын құру алдағы уақытта жылыжай шаруашылығының дамуына ықпал етіп, республиканың азық-түлік тәуелсіздігін қамтамасыз ететін болады.

«Бүгінгі күні біз жан басына шаққандағы ұн өндірісі бойынша әлемде бірінші орын аламыз. Егер көкөніс өнімдері туралы айтатын болсақ, өкінішке орай, солтүстік және орталық облыстар және жалпы Қазақстан көкөністің 80 % сырттан әкеледі, сол себепті қорғалған топырақтағы көкөніс шаруашылығын  дамытудың маңызы зор, – деп атап көрсетті ол.

Шағын литражды автомобильдің гибридтік күштік қондырғысы

Стационарлық энергетикадағыдай көлiк энергетикасында да энергияны және ресурсты үнемдеу мәселесі көкейкестi болып табылады. Автомобильдердің ішкі жану қозғалтқыштары (ІЖҚ) және газ турбиналық құрылғылар (ГТҚ) шығаратын жылулығын қайта пайдалануға мүмкіндік беретін қазандықтар-қайта пайдаланғыштар кең таралған. Осылай алынған энергияны жинақтау (аккумуляциялау) және мысалы, қалалық циклда жеңiл автомобильдің екiншi көпiрiнің жетегі үшiн пайдалану ұсынылады. Сонымен техникалық-экономикалық және экологиялық сипаттамалар жақсарады.

мақаланы жүктеу

Зақымдану ошақтарындағы құтқару және басқа шүғыл жұмыстар. ҚЖБШЖ жүргізу және ұйымдастыру бойынша ақ құрама командирлерінің жұмыс мазмұны мен жалғасымдылығы

Құтқару және басқа да шұғыл жұмыстары (ҚжБШЖ) төтенше жағдай аумағында адам құтқару үшін және де жарақат алғандарға көмек көрсету бойынша, ТЖ-ны оқшаулау сондай-ақ қайта қалпына келтіру мақсатында жүргізіледі.

     Азаматтық қорғаныс шаралары мен күштерінің іс-әрекетін қамсыздандыру ТЖ, бейбіт және соғысу уақытында осы заманғы зақымдау құралдарының қолданылу жағдайында Азаматтық қорғаныс іс шараларын орындау үшін қажетті жағдайды жасауға байланысты.

     Хайуанаттар мен өсімдіктердің, ауылшаруашылығы өнімдері мен жануар- ларды, су көздерін қорғау бойынша Азаматтық қорғаныс іс шараларын орындау мақсатында хайуанаттар мен өсімдіктерді қорғау қызметтері мен қызмет бөлімшелері құрылады.

     Жарақаттанғандар мен ауруларды тасымалдаудың негізгі құралдар: жер үсті көлігі (автомобиль, теміржол), әуе көлігі (ұшақ, тікұшақ, су көлігі (теңіз, өзен), санитарлық мен бейімделген көліктер жатады.

     Жарақаттанғандар мен ауруларды тасымалдаудың амалдары анықталады,

 олар: иықтап, арқалап, қолмен, екі құтқарушымен, зембілмен.

     Күрделі зақымдану ошағындағы құтқару жұмыстарды тек өрттер мен қирауларды ғана емес, сондай-ақ радиоактивтік, химиялық, бактериологиялық зақымдауды ескере отырып ұйымдастырылады. Бұл жағдайда бактериологиялық зақымдану түрлері анықталғанға дейін барлық шаралар аса қауіпті жұқпалы аурулардан қорғану режимінде ұйымдастырылады.

 мақаланы жүктеу